Regional Anti-Illegal Drug Summit ipatigayon sa South Cotabato.

Natalana nga ipatigayon sa Oktubre 5 subong nga tuig ang 2nd Regional Anti-Illegal Drug Summit nga i-host naman sang Provincial Government sang South Cotabato suno kay DILG Provincial Director Aurora Andrea De Pedro.
Sa subong yara suno pa sa planning process ang gintukod nga technical working group sang Provincial Government kag DILG 12 para sa nasambit nga aktibidad.
Partisiparan naman sang mga gobernador, alkalde, sangguniang members, social welfare officers, health officers, Pnp, judges, prosecutors kag iban pa ang nasambit summit.
Ang nasambit nga aktibidad suno kay De Pedro ang kabahin lamang sa pagsuporta man sa programa ni president Rodrigo Duterte sa pagtapna sang illegal drug activities sa pungsod.
Samtang mangin guest of honor sa nasambit nga summit si DILG Secretary Catalino Cuy nga amo man ang magpanguna sa inagurasyon sang bag-o nga opisina sang DILG 12.