Gipasakaan ug kasong robbery-extortion ug grave misconduct ang duha ka mga sakop sa Highway Patrol Group (HPG) sa Agusan del Sur human nadakpan sa gikasang entrapment operation sa PNP Integrity Monitoring and Enforcement Group (IMEG).
Anaa na karon sa kustodiya sa PNP IMEG Mindanao Field Unit sila si P/SSgt. Eddie Eddie B. Manguilimotan, 54 anyos ug residenti sa Mankilam, Tagum City, Davao del Norte; ug Corporal Ralfe S. Meraflor, 33 anyos, nga taga Purok 13, Poblacion, Prosperidad, Agusan del Sur.
Sa interview sa RMN DXBC Butuan, gibutyag ni P/Col. Lucilo Laguna, Jr, ang regional chief sa HPG-Caraga nga wala nila gikonsintir ang sayop nga binuhatan sa ilang ginsakpan diha sa Agusan del Sur.
Wala usab siya nagkulang sa pahimangno ginsakpan sa paglikay sa korapsyon aron dili maligsan sa gipatumang internal cleansing sa PNP. Dugang pa sa opisyal nga wala siya’y nadawat nga reklamo gikan sa mga drivers batok sa duha niya ka mga ginsakpan.
Ang pamahayag ni P/Col. Lucilo Laguna, Jr, regional chief sa Highway Patrol Group (HPG) Caraga sa interview sa RMN DXBC Butuan.
Human sa entrapment operation sa PNP IMEG gikompirma usab ni P/Col. Laguna nga gi-relieve na ang tanang personahi sa Highway Patrol Group (HPG) sa Agusan del Sur.
WITH REPORT, ARCHER CAPADESO/IVY FALCONE [image: hpg ag sur.jpg]
