General Santos City–Giawhag sa Regional Cyber Crime unit ang mga nakasinati ug pang-blackmail pinaagi sa social media nga ireport ngadto sa ilang buhatan nga anaa sa camp fermin lira aron nga kini maimbistigahan.
Sumala ni Spo1 Edwin Arroyo, imbistigador sa maong buhatan nga dapat lang dili maghilum-hilum ang mga biktimang nakasinati ug sextortion gamit ang social media.
Ang ilang buhatan matud pa abli sa unsa mang reklamo sa tumong nga madakpan ang mga suspetsado ug dili na sundugon pa sa uban ang ilang gihimo.
Kini ang nahimong pahayag ni Spo1 Arroyo human nga nadakpan sa entrapment operation ang usa ka bi-sexual human iyang giaboso ug giblack mail pa ang kaugalingong ig-agaw.
Facebook Comments
