Ginpatigayon kahapon nga adlaw groundbreaking sa itukod nga regional evacuation center sa bahin sang Barangay San Jose, Koronadal City.
Ang proyekto ang ginpainan sang P36 million paagi sa Department of Public Works and Highways ukon DPWH 12 kag Office of Civil Defense ukon OCD 12. Itukod ang nasambit nga pasilidad malapit sa barangay gym nga may sukat nga 1,450 sqm.
Ginpasalamatan naman ni Koronadal City Mayor Eliordo Ogena ang pagpatukod sang regional evacuation center tungod magluwas nga una nga nakabenepisyo ang syudad makahatag man ini sang trabaho sa mga construction workers sa panahon sang pandemya.
Gintambongan naman nanday Brgy. Kapitan Danilo Simtim, DPWH XII Regional Director Bashir Ebrahim, OCD XII Regional Director Minda Morante kag pipila pa ka department heads sang city government sang Koronadal ang nasambit nga aktibidad.
