KORONADAL CITY- GI-APRUBAHAN na sa Senado ang conversion sa Upper Valley Community Hospital na mahimo kining regional hospital og pagatawgon Soccsksargen General Hospital.
Kini human ang pagtugot sa Senado sa ikatulo ug katapusang pagdungog sa maong sugyot. Gilauman nga kini mapirmahan ni Presidente Rodrigo Duterte ug mahimo na kining balido ug ipatuman.
Kahibaluan nga ang Kongresista sa Ikaduhang Distrito sa South Cotabato nga si Ferdinand Hernandez miingon nga ang pag-uyon sa maong sugyot kung asa paspas ang proseso gumikan sa siportang gihatag sa Senado.
Gilauman nga adunay 4.11 ka milyon nga mga Pilipino sa Rehiyon 12 lakip na ang South Cotabato, Sultan Kudarat, Cotabato, Sarangani ug General Santos City nga mahatagan sa medical services sa maong ospital.
Pamahayg ni South Cotabato Gobernador Daisy Avance-Fuentes, posible nga moabut sa duha ka tuig ayha mahimong fully-operational ang ospital tungod sa kalisud sa pagpangita ug doktor ingon man kinahanglan pa nga madugangan ang mga pasilidad. (Jica Rose Parok MSU-Intern)
