Sarangani Province–Opisyal nang nagsugod kagahapong adlawa ang upat (4) ka adlaw nga Regional Integrated Competition sa Department of Education sa tibuok Rehiyon Dose nahimong venue ang lungsod sa Glan, Sarangani Province.
Libuan ka mga estudyante, magtutudlo og ginikanan ang anaa karon nagkatapok sa Glan alang sa tinuig nga kompetisyon nga musukod sa kahibalo sa mga estudyante sa elementarya og high school dili lang sa hisgutanang academics kundili sa ilang mga abilidad og talento human nga daghan na silang nakat-unan sa K to 12 curriculum. Sama na lang sa furniture and cabinet making, electrical installation, t-shirt printing, dressmaking, computer systems servicing, rondalla festival, og daghan pa.
Timing ang higayon tungod kay kagahapon pud pormal nang nag-abri ang usa ka semana nga ika-19 nga Lubi-Lubi Festival og ika-104 nga foundation anniversary sa Glan, ang oldest town sa entiro Rehiyon Dose.
