Natalana nga iga-turn-over na sa National Museum sa maabot nga Abril 11, 2018 Regional extension museum sa daan nga Iloilo Rehabilitation Center nga nagabalor sang 80 million pesos.
Ginpahayag ni Governor Arthur Defensor nga nakumpleto na matapos ang duha ka tuig nga pag-obra bilang museum sang daan nga Provincial Jail sa Bonifacio Drive.
Suno kay Defensor nga hiwaton ang turn-over bilang kabahin sang “Semana sang Iloilo”.
Mismo si National Museum director Jeremy Barns ang magapadulong sa Iloilo agud magtambung sa turn-over ceremony.
Pagkatapos sang turn-over, magasumpa man ang mga bag-o gin-hire nga mga personnel sang National Museum agud magdumala sang operasyon sang Museum.
Ginpahayag sang Gobernador nga igatalana man nila ang inagurasyon agud opisyal nga pagabuksan sa publiko ang nasambit nga museum.
