Davao City – Nidaog ang DXDC 621 RMN Davao isip Regional Radio Station of the Year atol sa annual Rotary Club of Manila Journalism Awards Ceremony sa New World Makati Hotel karong adlawa.
Mismong si RMN Vice President for Operations, Enrico Guido O. Canoy ang nidawat sa 2018-2019 Journalism Awards Centennial Trophy nga gitunol nila RCM Past President Jose C. Policarpio, Jr. (Journalism Awards Committee) ug RCM Centennial President Jesus M. Pineda, Jr.
Duha ka pasidungog ang nadawat sa RMN tungod kay gawas nga giila kitang Regional Radio Station of the Year, gitanghal usab nga best Radio Reporter of the Year ang magsisibya gikan sa DZXL 558 Manila nga si Grace Mariano.
Sa facebook post gi-congratulate sa bise-presidente ang DXDC ug si Mariano ug gipasalamatan niini ang Members, Directors, ug Journalism Awards Committee sa Rotary Club of Manila sa maong prestigious awards.
RadyoMan Aimee Guinita
