Karong adlawa andam na ang mga lokal nga panggamhanan sa lungsod sa Katipunan sa pagpanguna Mayor Crisostomo Eguia ug sa mga konsehal sa maong lungsod.
Gawas sa mga lokal nga opisyal, andam usab ang kapulisan sa maong lungsod pinaagi ni PC/Insp.Robert Esperagoza, alang sa seguridad sa mga tag-as nga opisyal gikan sa nagkadaiyang ahensya sa gobyerno didto sa kaulohan.
Dako nga kalihukan karon ang ipahigayon sa lungsod sa katipunan nga mao ang Regional Summit for Federalism, salmutan kini sa mga lokal nga opisyal gikan sa nagkadaiyang kalungsuran dinhi sa atong probinsya sa Zamboanga del norte ug sa mga kasikbit niini nga probinsya dinhi sa Zambonga Peninsula.
Isip pagsugod niini nga kalihukan magpahigyon usab ug motorcade karong buntaga gikan sa lungsod sa Katipunan padulong diri sa atong dakbayan sa Dipolog ug balik usab dayon sa katipunan alang sa pormal nga pagbukas sa Regional Summit sa Federalism.
Usa sa mga rason niini nga Summit mao ang pagpasabot ngadto sa katawhan kung unsay maayong epekto sa Pederalismo nga pang gobyerno ug aron masayran pud ang habig sa mga katawhan dili lang dinhi sa tibuok Zamboanga del norte kundili lukop sa tibuok Zamboanga Peninsula.
Mahidangat usab si Sec. Spokesperson Harry Roque sa lungsod sa katipunan aron mohatag pud ug dugang pagpasabot may kalabot sa Fedralism Goverment nga mao gayud ang gustong himuon pang gobyerno sa atong Pangulong Duterte.
Daghan usab nga naka han-ay nga mga hisgutanan ang gi andam sa mga organizer sa maong kalihukan.
Samtang kung kahinumduman, dili palang dugay gipahigayon usab ang consultation sa pederalismo nga gitambungan usab sa nga mayor ug mga lider sa IP gikan sa kasikbit nga probinsya human nga mibisita usab si Cab. Sec. Jun Evasco didto sa dakbayan sa Dapitan. e
