General Santos City—nagsugod na ang pagdawat sa Comelec ug mga magparehistro alang sa umaabot nga barangay ug Sanguniang Kabataan election sunod tuig.
Sumala kang Jun Abas, Assistant Election Officer sa Comelec Gensan nga gikan gahapon Nobyembre 6 ngadto na Nobyembre 30 lang ang ilahang pagdawat alang sa mga magpa-rehisto, magpa-reactivate, validation, correction o dili ba kaha mag-ilis ug status.
Pagpaklaro niya nga sa karon wala sila nagadawat ug mga magpa-transfer gikan sa ubang lugar padulong na dinhi sa Gensan
Abli sila gikan alas 8:00 sa buntag hangtod na alas 5:00 sa hapon, gikan Lunes hangtod na Sabado lakip ang mga holiday.Sa mga buot usab nga magparehistro, mamahimo lang nga magdala ug birth certificate, marriage contract ug mga valid ID.
Nanawagan man usab si Abas nga dili na paabuton pa ang last hour ayha magparehistro gumikan basin ug dili na nila maatiman kung magdagsa na ang mga magparehistro tungod kuwang sila ug tawo.(Dave Silagan)
