Davao City – Pabor ang usa ka magbabalaud sa syudad sa Davao nga himoong sweldo inay honorarium ang dawaton sa mga elective barangay officials karong panahona.
Sumala ni Davao City 1st District Councilor Nilo ‘Small’ Abellera Jr., maayo kini nga lakang apan ang pangutana kun unsa nga sistema ang ipatuman susama ba sa mga trabahante sa gobyerno nga mag-agad sa iyang grado.
Hinuon giklaro usab ni Abellera nga mag-agad usab ang gidak-on sa ilang sweldo kung daku usab ang ilang Internal Revenue Allotment (IRA).
Matud ni Abellera adunay mga barangay nga gamay lang ang ilang IRA ilawom sa mga third class municipalities o cities.
Samtang giklaro usab sa konsehal sa unang distrito ning syudad nga dili garantiya ang sweldo o honorarium sa usa ka opisyal sa barangay nga moimprobar ang ilang serbisyo tungod kay ang pagserbisyo wala nagbase sa sweldo o honorarium nga ilang dawaton.
RadyoMaN Bernard Pantallon
