*REHABILITACCION NA MARAWI HAY PRINCIPIA INSIGUIDAS*
*BHONG SIMBAJON*
El Fuerza Armada del Pilipinas ya imbya ya para na ciudad de Marawi con el diila mga heavy equipments para principia el rehabilitaccion na lugar que donde ya sale bien destrosao aserca el Guerra.
Ya llega na Puerto de Iligan recientamente desfues del trez diaz viaje na la mar el navy ship Barko ng Republika ng Pilipinas (BRP) Lanao del Sur donde este ya man unload con el cuatro heavy equipments del Army Engineers y del Navy Seabees que hay utiliza durante el principio del rehabilitaccion del Marawi.
El dos mga pay loaders y dos two back hoes el temporariamente esta na Balo-i area donde serca lang viaja para na sentro del Marawi en tiempo sin principia ya el construction works.
Asegun con el comandante del Western Mindanao Command Lieutenant General Carlito G Galvez, Jr, con el llegada del mga heavy equipments, fuede ya el military principia con el rehabilitaccion del mga se llama “iconic structures” que ya sale destrosao durante el tres meses guerra na Marawi.
Coneste mga equipajes hay utiliza tambien durante el construccion del mga temporario casa para el mga IDP’s na barangay Sagongsongan y losdemas pa mga evacuation centers na Iligan. – *Bhong Simbajon/RMN News*
