Sa interbyu sa DXDC RMN Davao kang Mayor Ernesto Matugas Jr., nagpadayon ang ilang rehabilitasyon ug repair sa tanang mga government facilities lakip na ang mga nangadaut nga kabalayan.
Matud ni Matugas, kauban ang TECHNICAL Education and Skills Development Authority (TESDA) mulusad sila’g livelihood training ilabina ang carpentry o pagpamanday tungod kay labing gikinananglan kini aron matukod og ma-repair ang mga nangagubang istruktura.
Gamiton usab nila ang daghang mga nadawat nga donasyon nga mga shelter repair kits ug materyales gikan sa nagkadaiyang donors. Gibutyag niini nga nabalik na ang tubig o water system ug gilaraw usab nga mabalik ang kuryente sa lugar sa katapusan sa Pebrero ning tuiga.
Nagpasalamat usab si Mayor Matugas sa RMN Foundation, RMN Davao ug RMN Surigao sa gihatag nga mga donasyon alang sa mga biktima sa Bagyong Odette.
Gibutyag niini ang mga island barangays nga wala pa makaabot ang ayuda maoy hatagan sa maong hinabang.
RadyoMaN Aimee Guinita
