Bukidnon – Padayon ang Rehabilitation and Detention Program sa Provincial Detention and Rehabilitation Center sa Probinsya sa Bukidnon alang sa mga inmates niini.
Sa interview sa RMN Malaybalay ngadto kang Assistant Provincial Warden Nelson Balaba gibutyag niini nga ang Rehabilitation Program sa PDRC gilangkuban sa Alternative Learning SYSTEM (ALS), Technical Education and Skills Development Authority (TESDA), Moral Recovery Program ug Sports Activities.
Ang ALS nagtanyag sa pagtuon sa elementarya hantod sa secondarya nga libel sa edukasyon. Kini nagpasabot nga kung malamposon nga mahuman ang mga Inmates sa maong programa mahimo na silang makapadayun sa ilang pagtungha ngadto sa Kolihiyo.
Nasayran nga dili pa lamang dugay gi-aprubahan ang Memoramdum of Agreement tali sa TESDA ug Pangagamhanang Probinsyal sa Bukidnon alang sa skills training sa mga inmates nga intresado.
Dugang niini, aduna nay duha (2) ka kurso ang gitanyag sa TESDA alang ngadto sa mga intresado nga mga Inmates nga mao ang Massage Theraphy na aduna nay byente-singko (25) ang nigradwar. 100% usab ang passing rate sa NCII alang sa Small Engine Repair nga adunay trienta (30) ka mga magtutungha.
Aduna usab Moral Recovery Program na hatod sa mga nagkalain-laing religious sectors ngadto sa mga Inmates ug hugot usab nga gipatuman sulod sa prisohan ang Sports Activities sama sa Basketball, Volleyball ug uban pa.
Kini nga mga kalihukan alayon sa misyon sa PDRC na hatagan ug saktong abilidad ug edukasyon ang mga Inmates kay kung ugaling matagaan sila ug higayon na makagawas gikan sa Rehabilitation dili sila usa ka liability sa katilingban kung dili usa sila ka-asset sa ilang komunidad.
