Gipangunahan ni Pangulong Rodrigo Duterte ang inagurasyon sa Northern Mindanao Wellness and Reintegration Center (NMWRC) nga nahimutang sa Barangay Casisang ning dakbayan sa Malaybalay niadtong Biyernes sa hapon.
Ang mao drug rehabilitation mao ang pinakadako nga treatment ug rehabilitation facility alang sa mga biktima sa illegal nga droga sa Mindanao nga adunay 600 kapin ka tawo ang kapasidad.
Nagkantidad ang NMWRC ug mukabat sa 700 milyon pesos nga onasyon sa Friends of the Philippines Foundation ngadto sa national government ug gitukod sa 5 ka ektaryang luna nga gi-donate usab sa local nga pangagamhanan sa Malaybalay.
Gibutyag ni Senador Juan Miguel Zubiri, nga mukabat lang sa walo ka bulan ang construction sa mao nga pasilidad.
Gitin-aw usab ni Sen Miguel Zubiri nga mahimong makapahimulos sa maong drug rehabilitation center ang drug dependents nga naggikan sa tibook Amihang Mindanao ug ubang dapit sa Mindanao.
Gani, gihulagway ni Zubiri ang maong lugar isip pinaka-nindot ug kompleto sa pasilidad nga rehabilitation center.
Kauban sa pangulo sa inagurasyon sila si DOH Secretary Francisco Duque III, DILG Secretary Eduardo Ano, SAP Bong Go, ug Presidential Spokesperson Harry Roque.
Sa press briefing sa dakbayan sa Malaybalay gipasalamatan ni Presidential Spokesperson Harry Roque ang FPF founder Jose Kho tungod sa pagdonar sa PHP500-million NMWRC.
Matud ni Roque nga ang FPF magdonar usab ug P13 million kada tuig isip suporta sa pagpadagan sa wellness center.
