Gisiguro sa Office of the Civil Defense Region 10 ang ka-andam sa mahimong epekto sa Bagyong Ompong.
Sa interview sa RMN Malaybalay ngadto kang OCD 10 Regional Director Rosauro Arnel Gonzales Jr., gibutyag nini nga kaniadtong Martes pa sila naghimo ug pre-disaster response assessment uban ang mga hingtungdan buhatan sa rehiyon.
Matud ni Gonzales nga ilang gi-assess ang mga posibleng hazardous areas.
Kagahapon pa nasinatian ang epekto sa hanging habagat nga gipahugtan sa Bagyong Ompong.
Alayon ninii gipa-alerto sa OCD-10 ang publiko ilabina sa mga ma apektuhan sa ulan.
Gipahayag usab sa regional director nga gitaas na sa blue alert status sa rehiyon.
Ilabina usab SA ilang gibantayan ang pag-ulan sa Bukidnon tungod kay mupaingon sa low lying areas ang tubig nga gikan dinhi.
Samtang nagpagawas na usab ug kamanduan si Bukidnon Governor Jose Maria R. Zubiri Jr ngadto sa mga local DRRMC nga mangandam sa posibleng epekto sa bagyo.
Sa interview sa RMN ngadto kang Israel Johan Damasco, ang head sa PDRRMC Bukidnon gibutyag niini nga gi-isyu na usab niya ngadto sa mga LDRRMC sa tibook probinsya ang mao nga direktiba sa gobernador.
Gipahayag usab sa Pag-asa Malaybalay nga apektado sa duha ka weather disturbance ang nasud sa karon nga mao ang Bagyong Ompong ug ang hanging habagat.
Matud ni Liezel Ulamit, ang weather forecaster sa interview sa RMN nga ang northern Mindanao makasinati ug pag-ulan tungod sa hanging habagat, trough sa bagyong Ompong ug localized thunderstorms.
