Rehiyon 12, nagpabiling COVID-19 free

13

*General Santos City— Nagpabilin pang covid-19 free ang tibuok rehiyon 12 human mag-negatibo ang resulta sa laboratory tst sa usa nga gipa-ilalom sa person under investigation dinhi sa dakbayan sa Gensan.*

*Sumala kang Dra. Imelda Quiñones, RESU head sa DOH 12 nga adlaw’ng Martes pa gidischarge ang nahisgutang pasyente kung asa non-reactive matud pa kini sa mga sintomas sa coronavirus.*


*Saysay niya nga higayon nga nagpositibo ang nahisgutan daghan ang kinahanglang i-konsidera ug kinahanglan nga mag-back trace sa tanang naka-uban sa nasangpit.*

*Dugang pamahayag ni Dra. Quiñones nga sa karon, aduna nay 37 ka mga personahe ang napa-ilalom sa person under monitoring sa rehiyon 12.*

*Kini gilangkuban sa 13 gikan sa North Cotabato, lima sa South Cotabato, walo sa Sarangani, usa sa Sultan Kudarat ug napulo gikan sa dakbayan sa Gensan, apan 18 matud pa sa maong ihap ang nakatapos na sa quarantine period ug anaa nalang sa 19 ang ilahang ginabantayan.*

*Pag-angkon niya nga kung sila lang sa Department Of Health, dili gyud nila kaya nga batukan ang pagkatag sa covid-19 rason nga nakig-alayon na sila sa ubang ahensya sama sa Bureau Of Quarantine, CAAP ug uban pa.*

*Gidayeg man usab ni Dra. Quiñones ang lakang nga gihimo sa probinsya sa Sarangani pinaagi sa pagpahigayon ug checkpoint aron nga mapugngan ang posibleng pagsulod sa mga carrier sa covid-19.*

*Subay sa impormasyon nga anka-abot sa Doh 12, tanang mga chinese looking o mga langyaw nga magsulod sa probinsya ang ginapangitaan ug passport.*

*Pinagi matud pa niini, ma-monitor ang mga turista nga nagasulod sa sarangani ug mas dali matud pa ang maong aksyon gumikan na usab sa tabang ug suporta gikan mismo kang Sarangani Governor Steve Solon.*

Facebook Comments