Dinhi sa rehiyon 9 ang tibuok probinsya sa Zamboanga Sibugay gipailawom kini sa State of Calamity tungod sa epekto sa El NiƱo nga kung diin apektado ang ilang mga pananom.
Giingon ni Zamboanga Sibugay Gov. Wilter Palma, 13 ka mga lungsod gikan sa kinatibuk-ang 16 ka mga lungsod ang nagpasa ug damage report ngadto sa Provincial Disaster Risk Reduction and Management Office, ilabi na sa bugas.
Dugang pa ni Palma, ang danyos sa mga pananom sa ilang probinsya moabot na sa P100m kapin kun kulang, wala paāy labot ang mga nadaot nga high-value crops sama sa mais, cacao, ug uban pa.
Gilauman sa mga opisyal sa probinsya nga motaas pa ang kantidad sa nadaot nga mga pananom sa moabot pa nga mga adlaw tungod kay nagpadayon pa ang damage evaluation sa 16 ka mga lungsod sa probinsya.
Kahibaloan nga gikunsidera ang Zamboanga sibugay isip rice-producing province nga adunay 25,000 ka ektarya sa rice field ug paddies.
Samtang dinhi sa probinsya sa Zamboanga del norte, bisan paman wala gipailawom sa state of calamity apan adunay pipila gihapon ka mga mga-uuma nga gikan sa nagkalain-laing lunsod ang apektado sa grabeng kainit dala sa weak el NiƱo.
Hinuon milihok naman ang mga ahensya sa gobyerno sama sa taga Department of agriculture aron imonitor ang mga mag-uuma dinhi sa probinsya sa Zamboanga del norte.
