Sa Region XI, kapin 200 ka sako ang partial nga ihap sa nahipos nga mga basura ug kapin 600 ka mga volunteers ang nisalmot gikan sa Davao City, Davao Oriental, Davao Occidental, Davao de Oro, ug Davao del Norte.
Sa interview sa DXDC RMN Davao kang Regional Strategic Communication and Initiatives Group (RSCIG) DENR XI Chief, Jayvee Jude V. Agas, iyang gibutyag nga sa gipahitabong coastal cleanup drive sa may Brgy. Daliao, Toril ning syudad, nakakolekta og 90 ka sako sa mga basura ang 300 ka mga volunteers.
Dugang pa niya nga ang top 5 nag-unang mga basurang nahipos sa Davao City, mao ang food wrappers, plastic beverage bottles, foam pieces, cigarette butts, ug plastic bottle cups.
Ang International Coastal Cleanup (ICC) Day gisalmutan sa liboan ka mga volunteers gikan sa 150 ka mga nasud sa tumong nga matagaan og kasulbaran ang ocean pollution pinaagi sa pagpanghinlo sa mga baybayon ug waterways kada ikatulong Sabado sa September matag tuig.
RadyoMan Ivy Parido
