Davao City-Nagpabiling luwas ang Eastern Mindanao area gikan sa planong pagpangataki sa mga terorista ingon man ang posibleng spill over sa gyera sa Marawi City dinhing dapita.
Segun ni martial law spokesperson EASTMINCOM deputy commander Brig. Gen Gilbert Gapay nga nagpabiling taas ang alerto ug intensified ang security operations nga gilusad sa militar aron mapugngan ang maong mga planong kasamok o panabotahe sa pipila ka mga terrorists groups.
Subay sab niini mas gipahugtan pa sa eastmincom ang pagbantay sa mga boarders aron dili makalusot ang mga foreign terrorists dinhi sa Eastern Mindanao.
Matud ni Gapay nga nagpalampuson ang militar ilawom sa extension sa martial law diha sa pagprotekta sa rehiyon kontra sa terorismo ug pagprotekta usab sa tawhanong katungod sa katawhan pagtuman sa balaod ilabina sa ‘rule of law’.
RadyoMan Aimee Guinita
