Rekisitos sa Pag-IBIG fund ‘Kasalan’ kumpletuhon

131

Davao City – Nagpahimangno ang Pag-IBIG Fund Davao ngadto sa mga buot magpakasal karong Pebrero 14, 2019 subay sa ilang “I do, I do, Kasalan sa Pag-IBIG Fund” karong tuiga kalabotan sa rekisitos sa nasangpit nga aktibidad.

Sumala ni June Fernandez sa Pag-IBIG fund Davao atol sa interview kaniya ni RadyoMaN Misel Miral-Galve sa tulumanong Serbisyong Straight to the Point, kinahanglan i-comply sa mga nag-apply ang tanang rekisitos gumikan og kulang kini, ihatag sa laing pares ang slot sa pagpakasal.


Gani gibutyag ni Fernandez ang kinahanglanon sa buot magpakasal pinaagi sa inisyatibo sa Pag-IBIG fund sama sa Original copy ug photocopy sa authenticated birth certificate, 2 valid IDs sa couple ug sa mga witness, certificate gikan sa Brgy. nga nagpamatuod nga nag live in na diin usab maoy ginaprayoridad sa maong aktibidad apan abli gihapon kini sa mga dili mag live in, Affidavit of Cohabitation, Joint Affidavit of Two Disinterested Persons nga makuha sa Pag-IBIG fund branches ug Certificate of No Marriage Record kun CENOMAR.

Dugang pa nga kinahanglan miyembro sa Pag-IBIG fund ug nag edad pareho og 23 anyos pataas na.

Sa karon, aduna pay nabilin nga pipila ka slots alang sa maong aktibidad ug mamahimo lang mubisita sa bisan asang Pag-IBIG fund brances sa Davao region aron maka-apply.

RadyoMaN Renz Barbarona

Facebook Comments

From Advertisers