General Santos City–Buot sa usa ka alyas Randy, usa ka Police nga taga Gensan nga dili na makagawas sa presohan ang 13 ka mga suspect nga nagtrabaho sa FMX Financial Consultancy Services human nga napasakaan ug kasong syndicated Large Scale Estafa sa mga personahe sa CIDG-12 human nga masikop niadtong milabay nga simana atol sa gihimong ronda sa Awtoridad sa ilang buhatan nga nahimutang sa Barangay Lagao.
Sumala pa sa nasangpit nga reklamante nga klaro matud pa kaayo nga pagpangilad kon scam ang gihimo sa mga nahisgutan. Giangkon pa sa nasampit nga dili lang siya ang men in uniform ang nabiktima niini.
Nadala matud pa kini sa saad sa maong kumpanya tungod kay aduna na silay na-release nga mga motorsiklo sa unang 4 ka bulan sa ilahang operasyon apan pag-abot na matud pa sa ilahang torno nga makuha ang ilahang gipangandoy nga motor gipa balik-balik matud pa sila sa mga nahisgutan hinungdan nga naka-disisyton nga ireklamo na kini sa CIDG-12.
Dugang pa sa nahisgutan nga bahala na unta ug dili na mabalik ang ilang mga kwarta basta kay masilutan ang mga nahisgutan nga suspect lakip na ang ilang founder nga langyaw nga hangtud sa kasamtangan ginapangita pa sa kapulisan aron nga dili na maka pamiktima sa uban. (Dave Silagan)
