*General Santos City— Misaka na ngadto sa upat ang reklamante batok Kabus-Padatuon kon KAPA kini ang gi-angkon ni NBI-SARDO Chief Regner Pineza.*
*Sumala niya nga usa sa maong mga reklamante ang gikan sa area sa Digos samtang tulo ang gikan sa Gensan ug Sarangani. Buot matud pa sa mga nahisutan nga mabalik ang kwartang ilahang gi-donate sa KAPA Community Ministry International.*
*Saysay niini nga wala pay nagreklamo nga na-scam sila sa KAPA apan ang reklamong pagpa-refund sa kwarta, reklamong scam lang gihapon ang padulngan.*
*Dugang pamahayag ni Pineza nga ilahang i-lakip sa datus ang affidavit sa mga reklamante ingon man ang pamatuod sa ilahang transaksyon ug kini maoy i-submitar sa prosecutor.*
*Pagpaklaro niini nga ang maong reklamo ang mamahimong gamiton alang sa ipasang-at nga kasong kriminal batok sa founder sa KAPA nga si Pastor Joel Apolinario ug mga kaubanan niini.*
*Simpleng estafa o syndicated estafa ang kasong ilahang ginatun-an batok sa mga nsangpit gawas pa sa kasong kriminal ga nauna ng gipasang-at sa Securities And Exchange Commission ngadto sa Department Of Justice.*
