Sa akoang pagbiyahe gikan sa amihanang bahin sa Sugbo niadtong Abril 1 nalabyan ko ning tarpaulin nga mipukaw sa akoang atensyon. Anaa ni suwat nga addressed ngadto sa contractor sa usa ka road/bridge project nga wala la matiwas.
Nahimutang ang maong gi-ayo nga road/bridge sa lungsod sa Compostela, Cebu ug naa ni duol sa sikat nga Green Lagoon Resort.
Wala koy ideya kung kinsa ang nagbutang sa maong tarp. Apan sigurado nga usa ni ka concerned citizen. Kay bisan ako nabalaka ko sa sitwasyon sa maong lugar.
Grabe ang libaong tapos abog pa gyud kaayo kay anapog/giso pa ang dalan o wa ni na-asphalt o concretize pa. Unya ang wa pa nahuman nga tulay mipasamot kagamay sa agianan.
Idol, hinaot nga makatabang ang local government sa Compostela para matagaan og pagtagad ang kahimtang sa maong road/bridge project.
