Tampilisan, ZDN- Gipaboran sa taas nga hukmanan ang resolusyon sa Commisiion on Election nga pasakaan ug pagsupak saomnibus election code si Mayor Angeles Carloto sa lungsod sa Tampilisan, Zamboanga del Norte.
Gibasura sa korte suprema ang petisyon ni Mayor Carloto batok sa Comelec.
Apil ni Mayor Carlotonga kasuhan sa COMELEC sila si Police Chief Inspector Roldan Molate, Senior Inspector Alexis Bahunsua ug unom pa ka police officers ug napulo ka indibidwal.
May kalabotan kini sa paglapas sa section 261-e sa omnibus election code o pagpangharas.
May 2016 sa dihang gi aresto sa mga pulis ang kontra ni Carloto sa pagkamayor nga si Alson Chan ug gipriso sa PNP Provincial Office.
Sa reklamo ni Chan, giingon niini nga tungod sa iyang pag detain sa sa mga pulis, wala siya naka pangompanya hinungdan nga napildi siya sa 2016 election.
