General Santos City–Mipaabot sa iyang reklamo ang usa ka miyembro sa tribal council sa Brgy.Olympog nga dili lang ipabutyag ang pangalan niini sa RMN Gensan aron ipahibalo ang ilahang problema kalabutan sa computer nga miabot sa Brgy.Olympog niadto pang bulan sa Pebrero ning kasamtangang tuig nga wala gihatag ngadto kanila ug kasamtangang gigamit matud pa sa secretary sa Brgy.
Sumala pa sa reklamante nga pagsulod sa ilang representante sa City IPMR nga si Lucio Cayawan nangayo matud pa sila ug computer gikan sa CDF ni Cawayan aron ilahang magamit gumikan kay panahon nga duna silay problema ilaha lang matud pang gina handwritten.
Hinungdan nga gihingusgan niini nga kadtong computer nga miabot sa brgy para kadto kanila gani miadto pa sila sa Sangguniang Panglungsod aron sa pagpangita ug mga dokumento nga magpamatuod ug nakakuha sila ug impormasyon gikan sa usa ka kagawad sa syudad nga ang maong computer alang gayud kanila.
Samtang gitubag usab ni Abito Gulle ang kapitan sa Barangay Olympog ang maong reklamo nga sumala pa niini nga wala siyay problema ug andam niyang ihatag ang computer ngadto kanila gani niadtong adlaw nga Lunes matud sila nagreklamo kalabutan niini
Dugang saysay ni Kapitan Gulle nga wala siya kabalo kung asa gikan ang budget sa pagpalit sa computer gumikan kay papel na lamang ang iyang nakita ug misulod lang matud pa sa trust fund sa barangay ug nagtuo kini nga para kini ngadto jkanila tungod kay kulang man usab sila ug tulo ka computer. (Reynald Timario)
