Gireklamo sa pipila ka estudyante sa Tagoloan Community College kon TCC ang usa ka maestro tungod sa pagpangagda og sex o pakighilawas bugti sa ilang pag-eskwela.
Kini nga reklamo gitagaan og pagtagad sa dxCC-RMN Cagayan de Oro pinaagi sa programa ni RadyoMaN Zaldy Ocon.
Matud sa victim number 1 nga si ‘’Inday ‘’, 20 anyos, 4th year irregular, taga Manolo Fortich, Bukidnon ug nagkuha sa kursong criminology, sigeg panghanggat kaniya ang maestro nga si Roger Anthony Gamale- kinsa Dean of Student Affairs sa maong tunghaan nga manganhi og Cagayan aron makighilawas bugti sa iyang incomplete nga grado.
Dugang pa ni ‘’Inday’’ nga gipasaligan usab siya ni Mr. Gamale nga dili siya maburos hinungdan nga nagpasa dayon siya og letter sa ilang Mayor sa Tagoloan, Misamis Oriental aron isumbong ang binuhatan ni Mr. Gamale.
Apan gipasa sa Mayor ang sulat ngadto ni Mr. Doctor Frederick Gomez – kinsa Vice President sa tunghaan aron kini na ang mag-imbestiga.
Susama usab ang nasinatian sa victim number 2 nga si ‘’An-an’’, 20 anyos, 4th year irregular, taga Manolo Fortich, Bukidnon.
Matud ni An-an nga magsige og teks kaniya si Mr. Roger Anthony Gamale nga manglaag sila diri sa syudad tungod kay buot kini nga makaanak kaniya.
Dugang pa ni An-an nga dili na lang niya gareplayan ang maong maestro ug magpasumangil na lang nga walay load.
Buot karon ni An-an nga ma-aksiyonan sa RMN-DXCC ang ilang reklamo tungod kay wala kini naaksiyunan sa ilang tunghaan tungod kay close friend si Mr. Gamale ug ang ilang Vice President nga si Mr. Doctor Frederick Gomez.
Samtang, giangkon sa ikatulong biktima nga si ‘’Lorena’’ 20 anyos, estudyante sa Tagoloan Community College nga sige gihapon og teks ug tawag kaniya ang maestro nga si Mr. Roger Anthony Gamale.
Matud ni Lorena, nga sugod niadtong 2017 sige na og panguyab kaniya ang maong maestro.
Gani, buot ni Mr. Gamale nga Daddy o Dada ang itawag ni Lorena kaniya ug tawgon usab niini si Lorena nga ‘’Baby’’.
Nasayran nga buot ni Mr. Gamale nga sugton kini ni Lorena ayha sila manuroy diri sa syudad aron mabuhat niini ngadto sa dalaga ang binuhatan sa manag-uyab sama sa pag-hug –hug.
Tungod niini, giluod siya sa teks ni Mr. Gamale ug gitug-an ngadto sa iyang ginikanan ang binuhatan sa iyang maestro.
Dugang pa, gireklamo sa biktimang si ‘’Lingling, 25 anyos, minyo, ang maestro sa Tagoloan Community College nga si Mr. Roger Anthony Gamale.
Kini tungod kay wala ihatag kaniya ni Mr. Gamale, ang iyang gi-request nga subject.
Matud ni Lingling nga matag sulay niya og approach sa maestro, dili siya gatagaan niini og pagtagad.
Hinoon giangkon ni Lingling nga daan na silang adunay bikil ni Mr. Gamale ug possible nga kini ang hinungdan nga ga-i-deny niini ang iyang request.
