General Santos City–Nagpaabot ug reklamo sa RMN Gensan ang usa ka konsumante sa Socoteco 2 batok sa gwardya sa maong buhatan gumikan matud pa sa dili maayong batasan nga gipakita kaniya.
Sumala ni Alias Romy, nga taga Gensan nga niadtong nakalabyng adlaw, siya nahidangat sa buhatan sa Socoteco 2 aron magbayad sa iyang bill sa kuryente.
Iyang gipangutana ang gwardyang nakabasi duol sa gate kung abli pa ba ang Socoteco 2, apan siya gitubag ug insulto ug gipakitaan ug pagkaarogante nga batasan sa nasangpit nga gwardya mao nga sya nahiubos.
Wala hinuon nakuha sa reklamante ang pangalan sa maong gwardya apan iyang natiman-an ang dagway sa nahisgutan.
Gipaabot sa RMN Gensan ngadto sa pamunuan sa Socoteco 2 ang reklamo ni Alias Romy. Sumala ni Mam Joy Alora sa Socoteco 2 nga ilang ipaabot sa Agency sa mga gwardya ang reklamo.
Paningkamutan nila nga sa mas daling panahon ilang ma-aksyonan ang reklamo, Dili nila buot nga adunay mga aroganteng gwardya nga maasign sa ilang buhatan.
