Aprobado na sang Sangguniang Bayan sang Surallah ang rekomendasyon sang Municipal Disaster Risk Reduction and Management Council nga pagpaidalom sa banwa sa state of calamity tungod sa epekto sang dry spell sa mga pananom sa nasambit nga banwa.
Sa subong sun o kay MDRRM Action Officer Leonardo Ballon ginahulat na lang nila ang kopya sang approved resolution sang SB.
Base sa datos naagalab-ot sa masobra P5.093 million ang natuga nga danyos sang mainit nga panahon sa mais kag sa palay nagalab-ot sa P81.2million ang danyos nga gintanom sang bulan sang Enero kag Pebrero.
May-angot sini, isa sa una nga intervention nila sa mga apektado ang pagpatigayon sang food for work program matapos nga nagpain sila sang P640k para dire, apang ikonsulta pa nila kon ano ang himuon agud nga magamit ini tungod may-yara sang election ban.
