Gin-aprobahan sang Iloilo City Disaster Risk Reduction and Management Office ukon CDRRMO rekomendasyon nga ipaidalum sa State of Calamity ang siyudad sang Iloilo bangud sa Dengue.
Sa ginhiwat nga sinapol sang CDRRMO nahisugtan nga ipaidalum sa State of Calamity ang siyudad bangud alarming na ang kaso sang Dengue sa siyudad.
Bangud sini, ginhingyo ni Mayor Jerry Trenas sa City Council nga magpatigayon sang special session sa Biyernes agud aprobahan ang pagdeklarar sang State of Calamity.
Pinaagi sini, magamit sang siyudad ang calamity fund para sa pagbakal sang mga kinahanglanon sa pagtapna sang mga lamok ka pagbakal sang mga bulong para sa mga pasyente nga may dengue.
Una na nga gindeklarar ni Mayor Trenas ang dengue outbreak sa siyudad bangud madamo na ang nagbalatian kag walo na ang napatay.
