Mga polis sa lungsod sa Ronda , apil ang ilang hepe nga si Police Senior Inspector Jay-ar Falcon gipangrelib sa ilang puwesto ,human sa pagpusil-patay ni Mayor Mariano Nonie Blanco.
Si Police Regional Office-7 Director , Chief Supt. Debold Sinas nimando usab ngadto sa hepe sa Cebu Provincial Police Office (CPPO) nga imbistigaron ang walo ka mga polis sa Ronda apil ang hepe niini nganong wa dayon makarespondi dihang gipusil si Blanco sud sa iyang buhatan.
Ang Ronda Police Station pipila ka lakang lang ang gilay-on gikan sa munisipyo .
Sa nasayran, duha lang ka polis ang nahabilin sa ilang buhatan kay ang uban nagserve ug warrant of arrest ngadto sa usa ka most wanted person , dihang nahitabo ang pagpusil ni Blanco niadtong Septembre 5 sa ala 1:30 sa kadlawon .
Si Blanco gihaya karon sa iyang panimay sa Poblacion, Ronda.
