Gisiguro sa Provincial Disaster Risk Reduction and Management Council kon PDRRMC Bukidnon nga adunay mga naka-standby na nga mga relief goods ugaling adunay mga local government unit kon LGU’s ang manginahanglan ug tabang tungod sa epekto sa hulaw sa probinsya.
Sa interview sa RMN Malaybalay ngadto kang Israel Johan Damasco Jr., ang head sa PDRRMC Bukidnon gibutyag niini nga naka-preposition na ang mga relief goods in kaso aduna mga request gikan sa mga LGU’s.
Sa karon nagpadayon pa ang ilang mga consolidation sa mga taho gikan sa mga LGU’s sa epekto sa hulaw sa ilang lokalidad.
Matud ni Damasco nga aduna pay mga LGUS ang wala pa naka-submit sa ilang report kalabot sa damyos sa hulaw sa ilang nasakupan.
Sigun usab niini nga adunay pipila ka mga LGUs na adunay inisyal findings sa posibleng pagdeklara sa state of calamity.
Giklaro usab sa opisyal nga adunay mga criteria o basehanan sa pagdeklara sa state of calamity maong dili basta-basta maka-deklara niini.
