Manukan, ZDN-Gawasnon pa karon ang responsable sa pagpanigbas sa lungsod sa Manukan human nagtago-tago.
Sa pagsusi ngadto sa Manukan PNP gipangita karon si Joel Sandigala nga maoy gitudlo nga mipatay kang Juanito Almasin, 77 anyos pareha kini silang residente sa Brgy. Serongan.
Usa sa mga saksi nga si Ronie Abolay, mibutya nga nakita niya ang panghitabo nga niadtong hiagyona nagtindog lang ang biktima sa kilid sa iyang balay ug kalit miabot ang responsible nga walay kaluoy sa mitigbas sa makadaghang higayon.
Samad sa agtang, ulo, liog ang mitapos sa kinabuhi sa senior Citizen, hustisya karon ang singgit sa pamilyang nahabilin.
Samtang balik prisohan ang pugante gikan sa Zamboanga del Norte Correctional and Rehabilitation Center (ZNCRC), human kini nadakpan pag balik sa mga pulis.
Gibutyag sa hepe sa lungsod sa Roxas nga si PCPT Jimmy T. Abrasaldo, didto nadakpan si Emerson delos reyes Villars sa Brgy Nabilid, Roxas.
Naa na karon gipaslak sa locked-up cell ug plano na kining ibalik sa rehabilitation center nga atua sa Barangay Don Jose Aguirre, Manukan
