Davao City – Gikalipay karon ni Tagum City Mayor Allan Rellon ang sugyot-balaudnon maghikutar sa third tranche or Round 3 sa Social Amelioration Program (SAP) nga gisugyot karon ni Albay Congressman Joey Salcedo.
Matud ni Rellon, daku’g ikatabang ang SAP gani sa pagkakaron daghan pa ang wala makabalik sa trabaho diin padayon pang hagba ang ekonomiya sa nasud tungod sa epekto sa COVID-19.
Segun kang Rellon, mapasalamaton siya kay sa iyang syudad, mokabat sa 30,000 ka mga pamilya ang naapil sa first tranche diin ang wala makadawat sa SAP mao’y unang gitabangan sa lokal nga kagamhanan sa Tagum.
Sa pikas bahin, nagtoo si Rellon nga dili patas nga pamaagi ang pagtunol sa SAP basi sa klase sa quarantine classification sa usaka lokalidad.
Dugang ni Rellon, wala nagpasabot nga kon MGCQ ang usaka lugar nga nakabangon na ang lokal nga ekonomiya ug ang mga lumulupyo nakabalik na sa ilang trabaho, hinonoa tabangunon gihapon ang ilang kahimtang.
RadyoMaN Joel Viray
