Davao City – Hangtod nga wala pay accessible nga bakuna alang sa tanan, lisud kab-oton ang gipangagpas sa mga medical experts nga ‘flattening the curve’ sa coronavirus disease karong panahona kun pagpakanaug sa mga COVID incidents sa nasud.
Sumala ni Tagum City Mayor Allan Rellon nga sa sitwasyon nila sa Tagum sukad niadtong Marso hangtud Mayo ning tuiga, napulo na ang nag-positibo, usa ang namatay samtang siyam ang nakarecover.
Niadtong bulan sa Mayo hangtud Hunyo, nagbaba usab ang COVID cases sa ilang lokalidad gumikan sa ilang gipatumang hugot nga mga control measures sa ilang mga lungsuranon ug mga dumuduong.
Matud sa alkalde nga sa second resulta sa ‘Balik Probinsya’ program niabot na og 75 ang kaso, usa patay, 20 ang active cases ug ang nahibilin pulos naka-recover.
Gipasabot usab ni Rellon nga bisan og hinay na ang kaso sa COVID-19 sa ilang lugar ug bisan kon nagadawat na sila ug Locally Stranded Individuals (LSIs) ug Returning Overseas Filipinos (ROFs), dili pa gyud hingpit moundang ang nasangpit nga balatian.
Matud ni Rellon, ang kalampusan sa COVID campaign mag-agad usab kini diha sa matag Local Government Units (LGUs) kinsa maningkamot aron makibrahan ang ihap sa mga tawong nataptan sa maong balatian.
Giklaro usab sa mayor sa Tagum nga ang kanunay nga pagpasabot sa mga angayang himoon ug pagtuman sa mga health protocols maoy angay himoon karon inay ang pagpaluag sa atong community quarantine control measures.
“Samtang wala pa ang vaccine, lisud ang (COVID) ‘flattening the curve’ scenario on the context (nga) wala nay nag-positive this day, (the) following day…Ingon ana ang pagtan-aw namo diri, kay nag-‘flatten the curve’ mi (denhe)… It took us one month nga zero gyud, mao toy ‘flattened the curved,’ but yung ‘Balik Probinsya’ program nisaka siya tungod (kay) sa sobra libo nga nangabot, adunay pipila (nga) nag-positive,” dugang sa mayor.
RadyoMaN Bernard Pantallon
