Davao City – Ginaplastar na karon ang kabalhinan sa mga residente nga naapektuhan sa linog sa Barangay Malawanit, Magsaysay, Davao del Sur.
Sumala ni Anthony Allada, information officer sa Magsaysay sa maong probinsya, subay kini sa nagpadayon nga Rehab and Recovery Program nga gihimo sa maong lugar aron usab adunay kapuy-an ang mga apektadong residente nga dili na matud pa pwede makabalik sa lugar tungod sa gikabalak-ang pagdahili sa yuta human usab naapektuhan sa sunod-sunod nga linog sa Mindanao.
Subay niini, masapalamaton ang mga residente sa maong proyekto diin ang lokal nga gobyerno pinaagi nila Hon. Dennis Helbes ug Davao Occidental Governor Claude Bautista ang mipalit sa maong luna.
RadyoMaN Renz Barbarona
Facebook Comments
