Davao City – Gipasidunggan pinaagi sa wreath laying ceremony ug gun salute ang 44 ka mga membro sa Special Action Force (SAF) atol sa pag komemorar sa National Remembrance for SAF 44 kinsa mga namatay sa Mamasapano Massacre.
Gipahigayon kini sa Bantayog ng Mga Bayani, Police Regional Office 11 (PRO-XI), Catitipan, Buhangin, ning syudad diin gipangulohan kini mismo ni PRO-XI director Chief Supt. Marcelo Morales, PRO-XI Deputy Director Nolasco Bathan, uban ang asawa ni SPO1 Lover Inocencio kinsa usa sa SAF 44 nga taga Panabo nga si Liezel Inocencio.
Sumala ni PRO 11 Chief Supt. Marcelo Morales, atol usab sa iyang pakighinabi kang Mrs. Inocencio, nakuha na matud pa ang mga angay makuha nga tabang gikan sa gobyerno apan wala pa ang housing maong tabangan kini nila sa pagproseso.
Segun niini nga sa pagkakaron nagpadayon pa ang paglihok sa kaso diin hustisya ang singgit sa gihapon sa mga kabanay sa namatay nga SAF 44 gani usa sa mga nitabang aron mapadali ang kaso mao ang Office of the Solicitor General.
Samtang malaumon si Morales nga makab-ot ang hingpit nga hustisya alang sa mga bayaning sundalo kinsa gisakripisyo ilang kinabuhi alang sa nasud.
“I hope so na maibigay lahat sa pamilya ang katarungan na gusto nilang makuha,” segun niini.
RadyoMaN Jason Amisola
