Malaybalay City, Bukidnon – Nagpadayon karon ang buhatan sa National Food Authority kon NFA-Bukidnon sa renewal sa lisensiya alang sa mga negosyante sa bugas humay man o mais.
Sa interview sa RMN Malaybalay ngadto kang Gil Tabor, ang Provincial Manager sa NFA-Bukidnon gibutyag niini pagahimoon kini matag tuig.
Matud ni Tabor nga sa tibook bulan sa Enero karong tuiga alang kini sa mga negosyante sa lungsod sa San Fernando ug siyudad sa Valencia.
Tumong sa pag-skedyul aron dili malangan ang paglukat ug dili usab maghuot ang tawo sa ilang buhatan.
Giawhag niini ang mga negosyante sa mao nga nahisgutang lugar sa pag “renew” sa “NFA License”.
Apil sa mga dokumento nga pagadad-on sa “renewal” mao ang mosunod:
a. Duha ka kopya matag dokumento
b. 2016 income tax return”
c. Financial statement kung ang kapitalisasyon mosubra sa p100,000.00
alang sa bag-o nga aplikasyon
d. Tax account number (TIN) alang sa bag-o
Gi-aghat usab sa NFA ang mga adunay pangutana nga muadto lamang sa buhatan sa NFA Provincial Office sa Malaybalay City ug pakigkita sa atong personahe sa “registration & licensing section” o tawag sa telepono numero (088) 813-3823.
