*Epektibo na karong bulana Marso 2020 ang pag-usbaw sa renta o abang sa yuta nga abangan sa mga dagkong kumpanya sa saging ug pinya sama sa kumpanya sa Del Monte Philippines, Inc.*
*Sa interview sa RMN** DXMB Malaybalay** ngadto kang Board Member Nemesio Jun Beltran Jr., *Majority Floor Leader sa Sangguniang Panlalawigan * gibutyag niini nga epektibo na ning bulana ang ordinansa nga gititulohan ug “The Agricultural Rental Law 2020 of the Province of Bukidnon”.*
*Matud niya nga **ilawom sa mao nga ordinansa ipatuman sa kagam**hanang probinsyal sa Bukidnon ang 25 mil ka pesos nga pinaka-ubos nga renta matag hektarya kada tuig.*
*Dugang ni Beltran nga alang niadtong aduna nay nahuptan nga kontrata mamahimong paga-usbon ug pag-amenda niini agig ug pagsunod sa bag-ong kantidad sa renta o abangan sa yuta.*
*Ang mao ng**a lakang aron mahatagan ug tuba**g* *ang hangyo sa mga mag-uuma nga sa dugay’ng panahon ang ilang kayutaan napahimuslan sa mga dagkong kumpanya sa saging ug pinya nga gabayad sa pinaka-ubos nga abang apan nag-enjoy sa dagkong kita gikan sa ilang kayutaan.*
*Nasayran nga niadtong tuig 2005 anaa sa 7,000 ang abang matag ektarya kada tuig ug 16,000 niining nakalabay nga mga tuig.*
*Sa karon anaa sa 11 hangtod 13 ka kumpanya ang nag-operate sa Bukidnon.*
*Base sa record sa Provincial Agriculture’s Office niadtong tuig 2018, 22,000 kapin ka ektarya ang gi-abangan sa mga multi-nationals aron tamnan ug pinya samtang 8,300 ka ektarya sa komersyal ug 8,200 ka ektarya sa backyard ang gitamnan sa saging sa Bukidnon.*
