Mamahimo nang moagi sa Misamis Oriental ang mga baboy gikan sa dakbayan sa Davao.
Kini nga panugot gihimo ni Gov. Bambi Emano human mihangyo ang mga hog raisers sa Davao nga wala maigo sa ASF nga kung mahimo tugtan silang maka-deliver sa ilang mga baboy aron dili na magpondo sa ilang dapit.
Nasayran nga naglisod na ang merkado publiko sa General Santos ug Davao tungod kay wala sila gitugtan pagpalusot sa ilang mga baligya nga baboy sa kauluhan kung asa mokabat sa 60 tawsan ka baboy ang ipagawas unta matag adlaw.
Samtang,
Una nang nagkatigom ang tanang hog raisers sa tibuok nasud kauban si DA Secretary William Dar aron hisgutan ang gikabalak-ang African Swine Fever nga gikatahong mikatag na sa tibuok Luzon, Visayas, ug Mindanao.
Sa pagka karon, gitugotan nang moagi sa mga quarantine stations ang mga baboy nga gikan sa Davao basta naa silay kumpletong papeles nga clear sila sa ASF.
Sa laing bahin,
Mihangyo ang Provincial Veterinary Office pinaagi ni Provincial veterinarian Dr. Benjamin Resma sa publiko nga mokooperar kanila sama sa pagtugot nga mahiling ang ilang mga dalang baboy aron malikayan ang pagkuyanap sa African Swine Fever dinhi sa lalawigan.
