Davao City – Gilubong na kagahapon’g adlawa, Hulyo 25, si Noel Rollan kinsa giluba ug gipatay sa iyang live-in partner ug kabit niini sa Matina Pangi ning syudad sa Davao.
Naghandum ang kabanay nga mapadali ang paghatag ug hustisya sa gidangatan sa biktima.
Kahinumdoman nga giangkon ni Cynthia Maniques Gadon, live-in partner ni Rollan, ang maong panghitabo ug gitangag ang dul-an P400,000 kauban ang iyang nakarelasyon nga si Eugenio Sabac apan naabtanan kini sa kapulisan didto sa syudad sa Tagum.
Matod pa wala nagmahay ang suspek sa nabuhat niini sa biktima tungod tumong nila nga makuha ang kwarta bisan pa man ikamatay kini sa iyang bana.
Mag atubang sa kasong homicide ug robbery ang duha ka mga suspetsado.
Samtang karong adlawa gikatakdang ilubong ang tulo ka mga miyembro sa pamilya’ng Pascual kinsa nasunog-patay sulod sa ilang panimalay sa NHA Village Buhangin, Davao City, niadtong adlaw’ng Lunes.
Sa pinakaulahi’ng pakighinabi sa kabanay sa pamilya’ng Pascual, plano nila nga dili na padugayon pa ang kaya ug ilubong kini sa Buhangin Memorial Park karong adlawa.
RadyoMaN Erin Lumosbog
