Gikabalaka karon sa katawhan ning syudad sa Cagayan de Oro ang report kabahin sa rice supply shortage. Apan sa pakisusi sa CPCC kon City Price Coordinating Council sa pagpangulo ni Atty. Jose Edgardo Uy nga dili angay mabalaka ug mahadlok ang katawhan tungod kay daghan ug igo ang supply sa bugas ning syudad.
Kini human nagpahigayon ug duha ka adlaw nga random inspection ang CPCC, City Councilor George Goking, ang Chairman sa Committee on Commerce and Trade, uban sa mga kadagkuan sa buhatan sa National Food Authority kon NFA.
Namahayag si Atty. Uy nga sa unang adlaw sa inspection, 15 ka mga bodega sa nagkadaiyang mga wholesalers ug retailers sa bugas ang ilang nasusi ug nasuta nga dugay 27, 000 ka bags sa bugas ang nakapundo sa maong mga bodega.
Nasayran nga adunay kapin usa ka gatos ka mga commercial rice wholesalers ug retailers nga lisensyado sa NFA dinhi sa syudad.
Hinuon gipasabot sa mga kadagkuan sa NFA nga adunay ilang pagpugong sa bugas tungod kay adunay silay giandaman nga mga priorities kung diin ang una mao ang kalamidad, DSWD, LGUs, NGOs u gang pinakaulahi sa ilang mga priorities mao ang mga retailers.
Gipahibalo sab sa CPCC ug NFA nga walay pagsakay sa presyo sa NFA nga bugas. Nagpabilin nga P27.00 ang matag kilo kung kapin sa 20 porsiyento ang broken rice, samtang P32.00 matag kilo kung ubos sa 20 porsiyento ang broken.
Gipadayag ni Atty. Uy nga angay lang ma-appreciate sa katawhan ang gihimo sa CPCC ug NFA kay nagpakita kini nga gilantaw sa gobyerno ang seguridad sa katawhan ug sa samang higayon adunay gihimo ang gobyerno aron ma proteksyonan ang mga konsumante.
Aduna ka bay reaksyon kalabot ning maong estorya? Mamahimo nimong ipadayag pinaagi sa pag-comment sa ubos ning maong estorya. �ȦN �n�
