Report nga may yara sang naganegosyar para marelease ang naharang nga kontrabando sa Culasi Port, ginpanginwala sang Roxas City PNP!

95

Roxas City, Capiz- Yara na naturn-over sa FESAG section sang Capiz PPO ang masobra 600 ka sako sang ammonium nitrate nga naharang sa Culasi Port.
Ginkumpirmar sang information officer sang Roxas City PNP nga si Police Master Sargeant Ramil Arcangeles, nga napasaka naman ang kaso nga pagbayolar sa PD 1866 as amended ukon mas kilala nga “unlawful possesion of explosive ingredients” kontra kay Rommy Manaleg y Toribio sang Brgy Pani-an Estancia Iloilo nga amo ang driver sang aluminum wing van ang ginapanag-iyahan ni Gilbert Jocson sang Estancia Iloilo.
Samtang ginpanginwala man ni Arcangeles nga may yara sang mga persona nga naga-pakignegosyar para nga i-release na lamang ang nasambitan nga mga kontrabando nga naharang.
Ginpunto sini nga sunod nga adlaw matapos ang pagkaharang sa amo nga truck, ginpasaka nila ang kaso agud nga malikawan ang anuman nga pag-arbor sa nasambitan nga kargamento.
Nahibaluan nga nahulog sa regular filing ang pagpasaka sang kaso matapos nga naulihi sa pag-abot ang result sang sample nga ginpadala sang RCPNP sa chemist sa Regional Police Office- 6.

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>


Facebook Comments

From Advertisers