Local | Armas ug pakete sa shabu narekober sa target sa operasyon

15

GENERAL SANTOS CITY- Nahagbong sa kamot sa tinugyanan sa balaod ang tareget sa operasyon sa kapolisan batok iligal nga droga ug iligal nga armas niaging adlaw sa Barangay Katangawan ning siyudad sa GenSan.

Giila ni Police Captain Robert Fores hepe sa Tinagacan Police Station ang suspek nga si Denard Quinto alyas Instik hamtong ang edad og residente sa maong barangay.
Sa maong operasyon nakarekober ang kapolisan og jumbo size nga pakete sa iligal nga drogang shabu ug lain pang dose ka gagmayng pakete sa samang iligal nga droga.


Kauban nga narekober ang usa ka libo pesos nga buybust money.
Dunay armas pa nga narekober mao ang .38 caliber pistol revolver na may unod nga unom ka bala.
Gibana-bana nga nagbalor og 80 mil pesos ang kinatibuk-ang market value sa iligal nga droga.

Kasuhan sa kapolisan ang suspek og pagsupak sa Comprehensive Dangerous Drugs ug Comprehensive Law on Firearms and Ammunition.
For more info’s and updates, like and share our official facebook account : www.facebook.com/ifm91.9Gensanofficial/

[image: ARMAS UG DROGA.jpg]

Facebook Comments

From Advertisers