PNP gipaalerto sa posibleng resbak sa kamatayun ni Ka Oris
Gialerto karun ni Philippine National Police (PNP) Chief Police General Guillermo Eleazar ang tibook pwersa sa pulisya sa posibleng pagpanimalos sa mga miyembro sa New People’s Army (NPA) human sa pagkamatay ni George “Ka Oris” Madlos.
Si Madlos ang gitumbok nga commander ug tigpamaba sa National Operations Command sa NPA ang namatay sa usa ka engkwentro sa Impasugong, Bukidnon niadtong Sabado, Oktubre 30.
Subay niini gidayeg ni Eleazar ang militar gumikan sa malampuson niining operasyon. Gipaniguro usab ni Eleazar sa publiko nga dili nila tugutan nga matuman ang bisan unsang dautang laraw sa mga komunista.
Padayon usab ag pakig-alayon sa PNP sa Armed Forces of the Philippines (AFP) arun ipaniguro ang kaluwasan sa mga katawhan
