Dili pa ipatuman sa pagkakaron ang reshuffling kon lahugay sa mga hepe sa kapulisan dinhi sa probinsya sa Bukidnon.
Sa interview sa RMN Malaybalay ngadto kang Bukidnon PNP Provincial Director Police Colonel Lami-ing gibutyag niini nga sa karon gitun-an pa nila kung ang usa ka hepe sa usa ka police station over staying na, kinahanglan na kining ilisdan.
Sa karon pinaka-ulahing nabutang nga hepe si PLTCOL Surkie Serenias sa Valencia City Police Station.
Gidayeg usab ni Col. Lami-ing ang administrasyon ni PLTCOL Ritchie Yandog ang kanhi hepe sa Valencia City – PNP sa nahimo niining sa maong siyudad.
Sigun sa provincial director nga daghang nahimo si Col. Yandog sa peace and security sa dakbayan sa Valencia.
Samtang gisiguro usab ni Lami-ing nga suportado niya ang usa ka hepe o opisyal kung kini epektibo apan kinahanglang e-relieve ug ilisdan kung kini dili na epektibo sa pangatungdanan.
