Re-shuffling sa mga opisyal lauman sa kapulisan sa Caraga- Sigun ni Gen. Caramat.
Lauman ang paghulip ug posisyon sa mga tag-as nga opisyal sa Police Regional Office 13 bisan unsang higayona gikan karon. Kini ang gikompirma ni PNP Caraga Reg’l Director PBGen. Romeo Carramat, Jr sa interview sa RMN DXBC Butuan human gihulipan ang Provincial Director sa Surigao del Norte Police Provincial Office (PPO).
Subling gipahinumduman ni PBGen. Carramat ang iyang ginsakpan nga kinahanglan ipakita ang kalampusan sa ilang trabaho sanglit dinhi maka-angkla ang grado ug score sa mga opisyal nga maoy sukdanan kung magpabilin pa ba sila sa pwesto o kinahanglan na’ng hulipan sa katungdanan.
Sa karon adunay duha ka mga posibleng kausaban sa PRO 13 apan padayon pa’ng gitun-an pinaagi sa Command Group ug Placement Board sa Camp Rodriguez.
Kalabot sa nahitabo sa Sison Municipal Police Station kung asa gihurot pag-relieve ang mga personahi, gipasabot ni PBGen. Carramat nga dakung kapalpakan ang nahimo sa kapulisan sanglit naghari ang mga New Peoples’ Army (NPA) sa lugar nga 2 hangtud 3 radios gikan sa Police Station ug walay nabuhat niini ang kapulisan.
Si PNP Caraga Reg’l Director PBGen. Romeo Carramat, Jr sa interview sa RMN DXBC Butuan sa interview sa RMN DXBC Butuan.
