Usa ka nagpakabanang residenti sa brgy. Ambago ning syudad sa Butuan ang miduol sa RMN DXBC aron ipakita ang “sample” sa tubig gikan sa Butuan City Water District (BCWD) nga lubog ug daghang lapok sama sa nasinati sa pipila ka mga residenti sa syudad. Gisala nila ang tubig gikan sa gripo apan sa iyang kakurat nakita niya ang daghang balas ug lapok gikan sa salaan ug lubog ang tubig nga nasulod sa ilang container.
Human nasaksihan sa maong Ginang ang hugaw nga tubig, nanumpa kini nga dili na moinom sa tubig gikan sa BCWD sa kahadlok nga makadaot sa panglawas.
Tungod niini, nanawagan ang Ginang sa BCWD nga tarungon ang ilang serbisyo pinaagi sa limpyo ug luwas nga tubig nga ihatud sa mga “concessioners” ilabina nga insaktong sila nagbayad niini matag buwan.
Hangtud karon walay giluwatan nga pahayag ang kadumalahan sa BCWD kabahin sa daghang reklamo sa mga katawhan.
LOOK: Usa ka residente sa Barangay Ambago midangop sa RMN DXBC bitbit ang nasala nga mga hugaw gikan sa tubig nasalod sa BCWD. Tumong sa iyang reklamo makamata ang water district ug sulbarun ang water supply problem.
Sent from my Samsung Galaxy smartphone.
