Kahapong adlawa adunay nahitabong gamay tensyon tali sa pipila ka mga residente ug sa mga kawani sa city Engineer’s office dinhi sa atong dakbayan Dipolog.
Partikular sa may bypass-road Brgy. Sta Isabel tungod sa pag guba sa mga tulay nag konekta kini taliwala sa dakong kanal sa nahisgutan nga barangay.
Kahinumduman nga niadtong miiaging adlaw una naman nga gi guba ang usa ka tulay nga kawayan ug buot usab kumpiskahon ang mga kahoy nga ginabas nga anaa gibutang daplin sa dalan tungod matod pa nga maka hatag kini ug kahuot sa dagan sa trapiko sigon sa mga residente nga ilang nadungog sa mga sakop sa gobyerno.
Saysay pa sa usa ka residente nga si alyas Gina, wala matod pa sila gi abisohan o gi pa tapok aron ipahibalo nga gub-on ang tulay nga nagkonekta gikan sa dalan padulong sa pikas nga bahin nga adunay daghang nanimuyo.
“Asa naman mi mo agi kung adunay mahitabong sunog o baha kay wala naman mi tulay nga sarang among maagi-an ug dali kay layo naman kaayo ang dalan nga among agian kay didto man sa tumoy pa, dugang pa ni Alyas Gina”.
Gikabutyag usab sa mga residente nga apektado, dili pa unta gub-on ang ilang tulay gibuhatan sila daan ug agi-anan para dili sila maglisod ilabi na nga adunay pay mga gagmayng bata.
Gani usa sa mga residente nga si tatay Espirijun nga adunay gipamati sa iyang lawas emosyonal man kini samtang gihinabi kini sa mga kawani sa city enginneers’ office kay malisod na matod pa siya ug lakaw ngadto sa unahan kung gub-on ang iyang tulay nga hinimo gani kini man ang iyang agi-an kung magpa check-up siya saysay pa ni Tatay Esperijun.
Apan wala na’y nahimo si Tatay Esperijun, igo nalang kini nagpatulo sa iyang mga luha samtang nagsud-ong nga giguba ang iyang binuhat nga tulay.
Sa katapusan nanawagan nalang ang mga reisdente ngadto kang mayor Dexter Uy nga hatagan sila ug saktong agi-anan o di ba kaha tulay nga ilang maagi-an aron sa ingon dili sila ma alanganin panahon nga adunay kalamidad
