Residente sang Barangay Banago nagpositibo sa COVID-19

67

Nadunganan sang isa ang confirmed COVID-19 cases sa Bacolod City.

Si Patient No. 9, 65 anyos nga babaye kag residente sang Purok Bayanihan, Barangay Banago.


Suno kay Dr. Grace Tan sang City Health Office (CHO), nagabatyag sang tuberculosis ang pasyente.

April 3 sang nakabatyag ini sang ubo kag pagpangalatol sang tutunlan kag nagpadulong sa Bacolod Respiratory Outpatient Center sa BAYS Center sadtong April 17 para magpa-check up.

Ginkuhaan sang swab para sa PCR test ang pasyente kag ginpadala sa Iloilo bio lab sadtong April 20.

Sa pahayag ni Bacolod City Inter-Agency Task Force Against COVID-19 Chairman kag Vice Mayor El Cid Familiaran, wala sang travel history ang babaye kag nagatinir lang sa ila puluy-an.

Magapatigayon karon ang CHO sang contact tracing sa mga nakaupod sang pasyente.




Gin-confirm sang DOH Region 6 ang positive result kaina sang aga, April 26.

Facebook Comments